قصيده اعجبتني كثير كثير ...

1 انا البارح قضيت الليـل كلـه ململـه وهمـوم =فعزله عن جميع الناس كنـي بالخـلا الخالـي
2 سريت مع الهجوس وفارقت عيني لذيـذ النـوم =همومي تجتول وسط الضمير وضيقـت بالـي
3 تذكرت السنين اللي تقافت فـوق روس القـوم =ياكم واحد بعد عزه تطوح بـه علـى الجالـي
4 خذت كسرى زعيم الفرس والقيصر زعيم الروم =ووجهن غير وجـه الله يبـى يفنـا وينزالـي
5 مانجاه السلاح ووليت الحاكم علـى المحكـوم =وصناديق الجواهر والذهـب والجـاه والمالـي
6 مادامـت لرسـل والانبيـاء لا ونهـا بــدوم =وانا وش عاد انا مانـي بـلا الاول ولا التالـي
7 انا ماني رسول ولا نبي من الخطـاء معصـوم =انا ياما اقترفت من الذنـوب انـواع واشكالـي
8 انا العبد الضعيف اللي تغـره فالحيـاة حلـوم =وانا اللي للمعاصي وذ نـوب اسابـق اظلالـي
9 وانا اللي ينقضي عمره بسرعه بين ليل ويـوم =وانا اللي ذقت من غبر السنين المـر والحالـي
10 وانا اؤمن باالقضاء والقدر والمكتوب والمقسوم =ولا اشكي همي الا كود لا اللي باخصن حالـي
11 اله حط في كبد السماء شمـس وقمـر ونجـوم =وزين ظهر الارض بنبتهـا وشجـار وجبالـي
12 ياربي تستجيب لدعوتـي يـا حـي يـا قيـوم =يا منجي بالسفينه نوح مـن غبـات الاهوالـي
13 اعذني من جهنـم والعـذاب وشجـرة الزقـوم =ياربي حطلي عنـدك مـع الابـرار منزالـي
14 ياربـي جعلـي اقابلـك لاظالـم ولا مظلـوم =يارب انك تقبـل دعوتـي وتـروف بحوالـي
15 يارب اني دخيلك يوم ياتـي يومـي المعلـوم =يارب انك تهـون كربتـي وتوصـل احبالـي
16 ليا جابوا بدل ثوبي هـذا ثوبـآ بـدون كمـوم =وشماغي سفطوهـا وخـذوا ثوبـي وجوالـي
17 وشالوني وانا كني على ظهر النعـش محـزوم =وودونـي لهـذاك المكـان اللـي مسـوالـي
18 وقفوا وتركونـي فـي مكانـن ضيقـآ مكتـوم =فظلمات القبور اللـي عليهـا الرمـل ينهالـي
19 لحالي لاونيس ولا جليـس ولا خبـر وعلـوم =وانا ماني بمتعـود علـى مجلاسـي الحالـي
20 وعادوا من بعدها وقسمو مالي لخمـس قسـوم =مابين امي وبـوي وزوجتـي وديـن وعيالـي
21 وكلن جاه قسمه في الميراث معـزز محشـوم =وانا مما جمعته في حياتـي ويـش يبقـا لـي
22 مايبقى غير ماقدمت قدمي من صـلاة وصـوم =ماينفعنـي فـذاك اليـوم لاعمـي ولا خالـي
23 فيوم الحشر الاكبر يوم احد معطاء واحد محروم =وببعث من في القبور وقربوا ميزان الاعمالـي
24 احد يشرب من الجنه رحيـق صافـي مختـوم =واحد طوق سلاسل من حديـد ونـار وغلالـي

للأمانه القصيده منقوله من منتدى السلاهبه من مطير ...

اخوكــــــــــــــــــــــــــــــــــــــــــــــ ــــم :

( سليمان الصاعدي )

إبداع

انت مبدع فعلاً بهذه القصيده المميزه
ولك كل الشكر على الطرح الرائع

والي يعجبك ياخوك يعجبنا

سليمان يتلألأ في سماءالأبداع ولاغرابه

نعرفه ماعرفنا الشعر ونجده ماوجد الجمال


يجبرنا على متابعة جديده ليجعلنا

على نار الانتظار من أجل مايكتب

حاااولت اقتبس بيت القصيده ولم استطع لكون كل بيت اجمل من الثاااني
الله يجمل حااالك يا ابوباااسم ويبيض وجهك

قصيده تحمل بثنااايا طياااتهااا الشي الكثيرمن العضه
تذكير لامثيل له
ابداااع يفوق الوصف
اهنئك يا ابوياااسم واشكرك واتمنى لك التوفيق من كل قلبي
تحياااتي لك *****

صح لسآن شآعرهآ وتسلم يمنآكـ
والله يعطيكـ الف عآفيه
مـوٌدتي لكـ ~

موعظه بقالب شعري رائع ,,,
دوم الإبداع ,,,,

والله مروركم اكبر شرف لي

بيّض الله وجيهكم

والله يعطيكم العافيه

سلمت يداك على النقل الرائع لهذه القصيده التي تحمل الكثير من المواعظ والحكم



تقبل تحيتي